رمضان كريم عليكم وان شاء الله يعود بالخير على الجميع شلونكم ياحلوات عندي ألكم كم اكله طيبه وتخبل من اكلاتنه العراقيه( مقلوبه ومطبك سمج وبرياني ) ان شاء الله تعجبكم ابدي بالمقلوبه المقادير ----------- ربع كيلو لحم غنم 2كاس رز باذنجانه حبة بطاطا حبة طماطه م ك معجون فلفله خضره بصله التحضير ----------- يسلق اللحم لساعه ونصف يغسل الرز وينقع قطعي الخضروات الى شرائح اقلي البطاطا والباذنجان على حده احمسي اللحم وضيفي البصل والفلفل حتى يشقر لونه ثم ضيفي شرائح الطماطه وقليل من الرز في القاع وضعي البطاطه والباذنجان ثم الرز وضيفي الماء المتبقي من سلق اللحم بكميه تناسب كمية الرز مع الملح بدووون تقليب الرز ومن ينشف قللي النار واتركيه لنصف ساعه
وهذا شكلهه عند التقديم
مطبك السمج المقلدير الاستعملهه تكفي 3 اشخاص وبالنسبه لنوع السمج ممكن تستعملين اي نوع بس يكون قليل العظم اني استعملت سمج نهري المقادير ---------- 3قطع سمج - 2 كوب رز - 2 مربع ماجي - كركم وبهارات برياني وكمون وفلفل اسود - 2 بطاطه - باقة معدنوس - بصله كبيره - ملح وزيت - م كوب نومي بصره مطحونه
صوره لمقادير الحشوه
اول شي غسلي الرز ونقي نص ساعه بيه نحضر الحشوه نقلي البطاطه ومن تشقر نضيف البصل يشقر لونه ونضيف المعدنوس والنومي بصره وجزء من البهارات وملح
وهذا شكل الحشوه من تستوي
السمج ملحي وحطيله بهارات قبل القلي بنص ساعه ورشي بشوية طحين قبل لتقلي بزيت حتى لتصير صعادات بالمطبخ ههههه نجي على الرز نطبخه بطريقتنه العاديه تطبيك مع الماجي ومن ينشف نفرغه بس نبقي طبقه خفيفه ونحط السمج وفوكا الحشوه ونرجع باقي الرز وغطي بسليفون او نايلون وخلي على نار هادئه لمده متقل عن نص ساعه بدووون تقليب والتقديم اقلبي بصينيه مثل الصوره
والف عاااافيه
البرياني راح اختصربالشرح وطريقتي تختلف عن باقي طرق البرياني بشي واحد هو اطبخ الرز مع الحشوه والدجاج سوه يطلع طعمه اطيب ويذوب بالثم على كولت المصلاوي طبعا الحشوه سويهه على ذوقج اني استعمل بطاطه وبصل وبزاليا احمسهن والدجاج اسلقه واقلي واحط شعريه بجدر ويه الزيت حتى تشقر ونضيف شويه رز ونصفط الدجاج وفوكا الحشوه وباقي الرز وضيفي ماء الدجاج او استعملي ماجي مع البهارات والكركم وحبة هيل وقليييل من الملح ومن ينشف قللي النار واتركي نص ساعه هم بدوون تقليب واقلبي بصينيه عند التقديييم بس ماعندي صوره للبرياني سووووري وعافياااات عليكم
Adam Mohammed مؤسس الشبكة
اسم الدوله : الجنس : عدد المساهمات : 323 نقاط : 715 تاريخ التسجيل : 16/12/2014 العمر : 63 الموقع : احلى طب المزاج : ماشى الحال
الرئيسية 
موضوع: السمك والمقلوبة على الطريقة العراقية 
